Hemant Godse यांना हॅट्रीक करण्याची संधी मिळणार? नाशिकमध्ये कुणाची ताकद किती? Nashik Lok Sabha

Hemant Godse यांना हॅट्रीक करण्याची संधी मिळणार? नाशिकमध्ये कुणाची ताकद किती? Nashik Lok Sabha

Nashik Lok Sabha Constituency नाशिक : ऐन थंडीत नाशिकचे राजकीय वातावरण चांगलेच तापले आहे. गेल्या काही दिवसांपासून नाशिकमध्ये राजकीय नेत्यांची मांदियाळी दिसून येत आहे. नुकताच देशाचे पंतप्रधान नरेंद्र मोदी यांचा नाशिकमध्ये दौरा झाला. यावेळी भाजपकडून जोरदार शक्तीप्रदर्शन करण्यात आले. मोदींच्या दौऱ्याचा लाभ भाजप येणाऱ्या लोकसभा निवडणुकीत नक्कीच घेईल यात काही शंका नाही. 

तर ठाकरे गटाकडून देखील नाशिकला केंद्रस्थानी ठेऊन येथे राज्यस्तरीय अधिवेशनाचे आयोजन करण्यात आले आहे. 1994 साली शिवसेना प्रमुख बाळासाहेब ठाकरे यांच्या नेतृत्वाखाली शिवसेनेचे नाशिकमध्ये अधिवेशन झाले होते.  त्यानंतर राज्यात 1995 मध्ये शिवसेनेचे सरकार आले होते. त्यामुळे 23 जानेवारीला होणाऱ्या राज्यस्तरीय अधिवेशन पुन्हा ठाकरे गटाला सुगीचे दिवस आणणार का? हे पाहणे महत्वाचे ठरणार आहे.