Nashik Blast | सातपूरमध्ये Cutter स्फोट, 7-8 नागरिक गंभीर जखमी, चिमुकल्याचाही समावेश

नाशिकच्या सातपूर परिसरात झाड कापण्याच्या Cutter चा स्फोट झाला. रस्त्यावर ठेवलेल्या डिझेलच्या कॅनवरून एक गाडी गेल्याने तो फुटला. त्यातील इंधन शेजारी बीडी पेटवून बसलेल्या एका व्यक्तीच्या अंगावर उडालं आणि मोठा स्फोट झाला. या आगीने भडका घेतला आणि आजूबाजूच्या परिसरात असलेले सात ते आठ नागरिक गंभीररित्या जखमी झाले. यामध्ये चार वर्षांच्या लहान बाळाचा, तीन महिलांचा आणि चार पुरुषांचा समावेश आहे, अशी माहिती प्रत्यक्षदर्शींनी दिली आहे. जखमी नागरिक पन्नास ते साठ टक्के भाजले आहेत. त्यांच्यावर नाशिकच्या जिल्हा रुग्णालयात उपचार सुरू असून, डॉक्टरांनी त्यांची प्रकृती चिंताजनक असल्याचे सांगितले आहे. महानगरपालिकेच्या कर्मचाऱ्यांनी रहदारीच्या रस्त्यावर डिझेलचा कॅन ठेवल्याने हा हलगर्जीपणा घडला, ज्यामुळे ही दुर्घटना घडली.