Nagpur Graduate Constituency : नागपूर शिक्षक मतदारसंघात नागो गाणार यांच्यासाठी भाजपने कंबर कसली

Nagpur Graduate Constituency : नागपूर शिक्षक मतदारसंघात नागो गाणार यांच्यासाठी भाजपने कंबर कसली

नागपूर -विधान परिषदेच्या नागपूर विभाग शिक्षक मतदार संघाच्या निवडणुकीच्या अनुषंगाने आज महाराष्ट्र राज्य शिक्षक परिषदेचे उमेदवार आणि भाजप समर्थित उमेदवार नागो गाणार यांच्या निवडणूक रणनीती संदर्भात भाजपची महत्त्वाची बैठक होणार आहे.. दुपारी दोन वाजता नागपूरच्या रेशीम बागेत ही बैठक होणार आहे.. या बैठकीत केंद्रीय मंत्री नितीन गडकरी यांच्यासह उपमुख्यमंत्री देवेंद्र फडणवीस आणि नागपूर व विदर्भातील अनेक महत्त्वाचे पदाधिकारी उपस्थित राहणार असल्याची माहिती आहे.. विधान परिषद निवडणुकीत नाशिकच्या जागेचा गुंता निर्माण झाल्यानंतर महाविकास आघाडीमध्ये आपापसातील समन्वयातून नाशिकची जागा शिवसेनेच्या उद्धव ठाकरे गटाला देऊन नागपूरची जागा काँग्रेस घेणार असल्याची जोरदार चर्चा आहे... तसे झाल्यास नागपूर विभागाच्या शिक्षक मतदार संघाच्या निवडणुकीतील रंगत आणखी वाढणार आहे... जर ही जागा काँग्रेसने घेतली तर काँग्रेस नागपुरातील कोणत्या उमेदवाराला पाठिंबा देईल असा प्रश्न विचारला जातोय... सुरुवातीला महाविकास आघाडी मध्ये नागपूरची जागा शिवसेनेच्या उद्धव ठाकरे गटाला सोडण्यात आली होती.. त्यामुळे शिवसेना प्रणित शिक्षक सेनेचे गंगाधर नाकाडे यांनी उमेदवारी अर्जही दाखल केला होता... आता काँग्रेस त्यांना पाठिंबा देते की शिक्षक भारतीचे उमेदवार राजेंद्र झाडे यांना पाठिंबा देते याकडे सर्वांचा लक्ष लागून आहे.