Cruise Drugs प्रकरणी खळबळ माजवणारा व्हिडीओ, किरण गोसावीच्या फोनवरुन Aryan Khan कुणाशी बोलतोय?

Mumbai Cruise Drug Case : सध्या संपूर्ण देशात गाजत असलेल्या क्रुझवरील ड्रग्ज पार्टी प्रकरणात मोठी खळबळजनक माहिती समोर आली आहे. आर्यन खान (Aryan Khan) ड्रग्स केसमध्ये मुख्य साक्षीदार असलेल्या किरण गोसावी (Kiran Gosavi)  यानं शाहरुख खानकडे 25 कोटींची मागणी केली, त्यात 18 कोटींवर डील झाली, असा खळबळजनक दावा किरण गोसावीचा बॉडिगार्ड प्रभाकर साईल (Prabhakar Sail) यांनी दिली आहे.  एबीपी माझाशी बोलताना एनसीबी (NCB) रेडचे पंच क्रमांक 1 असलेले प्रभाकर साईल यांनी सांगितलं की, त्यांची या प्रकरणात पंच म्हणून सही घेतली होती. मात्र तो कागद ब्लँक होता. रेडच्या दिवशी किरण गोसावीने त्यांना येलो गेटला बोलवलं आणि त्यानंतर साईलनं गोसावीला फोनवर बोलताना ऐकलं.  सईलनं सांगितलं की, माझ्या जीवाला धोका होता म्हणून मी माझ्या परिचिताकडे सोलापूरला 10-12 दिवस राहिलो, असं किरण गोसावीचा बॉडिगार्ड प्रभाकर साईलनं सांगितलं आहे. 

हा तोच व्हिडीओ आहे, ज्यावरुन मुंबई क्रूझ ड्रग्स प्रकरण पुन्हा एकदा नव्यानं चर्चेत आलं आहे. तसेच, या प्रकरणात अनेक धक्कादायक खुलासे झाले आहेत. हा व्हिडीओ शिवसेना खासदार संजय राऊतांनीही शेअर केला आहे. सध्या हा व्हिडीओ सोशल माध्यमांवरही चर्चेत आला आहे. या व्हिडीओमध्ये किरण गोसावीच्या मोबाईलवरुन आर्यन खान नेमका कुणाशी बोलतोय? असा प्रश्न निर्माण झाला आहे.