Latadidi Painting Exhibition : चित्रकार रामकृपाल नामदेव यांची गानसम्राज्ञी लतादीदींची तैलचित्रं

चित्रकार रामकृपाल नामदेव यांच्या गानसम्राज्ञी लता मंगेशकरांच्या तैलचित्रांचं प्रदर्शन दादरमध्ये सध्या सुरु आहे. दादरच्या रवींद्र नाट्य मंदिरात पु.ल.देशपांडे आर्ट गॅलरीत हे प्रदर्शन सुरु आहे. ज्यात ५२ पैकी ३६ चित्रे लतादीदींची आहेत. चित्रलतिका या नावाने ते हे प्रदर्शन भरवत असतात.  या प्रदर्शनाला लतादीदींच्या भगिनी ज्येष्ठ गायिका उषा मंगेशकर यांनी आज भेट दिली आणि नामदेव यांच्या कलेचं कौतुक केलं. हे प्रदर्शन उद्या ११ ते ७ या वेळेतही सुरु राहील.  २०१७ पासून नामदेव लतादीदींच्या चित्रांचं प्रदर्शन भरवतायत. त्यांनी लतादीदींच्या काढलेल्या चित्रांची संख्या ५० च्या वर आहे.