Maratha Reservation Protest | मराठा आंदोलन मुंबईच्या Azad Maidan कडे, आरक्षणासाठी निर्धार

नवी मुंबईतील सिडको एक्झिबिशन सेंटरमध्ये थांबलेले मराठा आंदोलक आता मुंबईतील आझाद मैदानाकडे रवाना झाले आहेत. मराठा आंदोलनाचा आज दुसरा दिवस असून, काल रात्री नवी मुंबईत थांबलेल्या आंदोलकांनी आपल्या गाड्या सिडको एक्झिबिशन, एपीएमसी मार्केट आणि वाशी रेल्वे स्टेशन परिसरात पार्क केल्या आहेत. मुंबईत पार्किंगची व्यवस्था कमी पडल्याने गाड्या नवी मुंबईत ठेवण्यात आल्याचे आंदोलकांनी सांगितले. एक्सप्रेस वे टोल फ्री असतानाही, आंदोलकांना दहा ते पंधरा किलोमीटरच्या पुलावर थांबवण्यात आले, जेणेकरून ते आझाद मैदानावर पोहोचू नयेत, असा आरोप आंदोलकांनी केला. कालचा दिवस जरी खराब गेला असला तरी, मनोज दादांच्या पाठीमागे खंबीरपणे उभे राहण्याचा निर्धार आंदोलकांनी व्यक्त केला आहे. "आम्ही आरक्षण घेतल्याशिवाय इथून जागा सोडणार नाही. आमचा जीव जरी गेला तरी आम्ही इथे मनोज दादाज्या पाठीमागे खंबीरपणाने उभ" असे आंदोलकांनी स्पष्ट केले. आरक्षणाच्या मागणीसाठी मराठा समाज एकवटला असून, न्याय मिळेपर्यंत आंदोलन सुरूच ठेवण्याचा त्यांचा निश्चय आहे.