Mhada Redevelopment : म्हाडाच्या 30 वर्ष जुन्या इमारतींचा होणार पुनर्विकास,40 हजार कुटुंबांना दिलासा

मुंबईतील म्हाडाच्या 30 वर्षे जुन्या इमारतींचा पुनर्विकास केला जाणार आहे. म्हाडाकडून तसा प्रस्ताव सरकारकडे पाठवण्यात आला असून आता शिंदे-फडणवीस सरकार पुनर्विकासाचा हा महत्त्वाचा निर्णय घेणार आहे. मुंबईत म्हाडाच्या अशा जवळपास ३८८ इमारती आहेत आणि त्यात सुमारे 30 ते 40 हजार कुटुंब राहतात. पुनर्विकासाच्या निर्णयामुळे या रहिवाशांना मोठा दिलासा मिळणार आहे. सेस इमारतींच्या धर्तीवर चटईक्षेत्रफळाचा लाभ देऊन या इमारतींचा पुनर्विकास केला जाणार आहे.