VSI Inquiry: 'चौकशीला काय घाबरताय?', Chandrashekhar Bawankule यांचा थेट सवाल

वसंतदादा शुगर इन्स्टिट्यूटच्या (Vasantdada Sugar Institute) चौकशीच्या आदेशावरून राजकीय वातावरण तापले आहे, यावर भाजप नेते चंद्रशेखर बावनकुळे (Chandrashekhar Bawankule) यांनी प्रतिक्रिया दिली आहे. 'शासनाकडे तक्रार आल्यावर चौकशी होते, चौकशीला काय घाबरताय?' असा थेट सवाल बावनकुळे यांनी केला आहे. तक्रार गंभीर स्वरूपाची असल्याने चौकशीचे आदेश देण्यात आले असून, यात घाबरण्याचे कारण नाही, असे ते म्हणाले. तुमच्या काळातही तुम्ही अनेक चौकश्या लावल्या होत्या, आम्ही घाबरणाऱ्यांपैकी नाही, असा टोलाही त्यांनी लगावला. देवेंद्र फडणवीस (Devendra Fadnavis) यांना अशा चौकशांमध्ये रस नसतो, पण तक्रार आल्यावर प्रक्रिया पूर्ण करावी लागते, असेही बावनकुळे यांनी स्पष्ट केले. या चौकशीतून सत्य समोर येईल, असा विश्वास त्यांनी व्यक्त केला आहे.