Voter Fraud Claim | Rahul Gandhi यांचा दावा खोटा, ABP Majha च्या पडताळणीत सत्य समोर

लोकसभेतील विरोधीपक्ष नेते राहुल गांधी यांनी कालच्या पत्रकार परिषदेत आदित्य श्रीवास्तव नावाच्या मतदारानं चार ठिकाणी मतदान केल्याचा दावा केला होता. त्यातील एक पत्ता मुंबईतला होता. एबीपी माधवनं त्या पत्त्याचा शोध घेतला आणि यामागचं सत्य जाणून घेण्याचा प्रयत्न केला. एबीपी माधवनं केलेल्या पडताळणीत राहुल गांधी यांचा तो दावा खोटा असल्याचं दिसून आलं. आदित्य श्रीवास्तव यांचा जोगेश्वरी पूर्वचा दिलेला पत्ता खोटा आहे, पण त्याच परिसरात ब्लू मे डोझ इमारतीत दोन हजार एकवीस पर्यंत आदित्य श्रीवास्तव नावाची व्यक्ती खरोखरच राहत होती हे समोर आलं. आदित्य श्रीवास्तव मूळचे लखनऊचे आहेत. दोन हजार सोळा साली ते नोकरीनिमित्त मुंबईत आले. दोन हजार एकवीस पर्यंत मुंबईत राहिल्यावर ते बंगळूरूत शिफ्ट झाले. आदित्य यांनी लखनऊमध्ये पहिल्यांदा वोटर कार्ड तयार केलं होतं. मुंबईत आल्यावर त्यांनी इथंही वोटर कार्ड अपडेट केलं. आदित्य यांनी मुंबईत केवळ दोन हजार एकोणीस मध्ये लोकसभेला मतदान केलं आणि त्यानंतर दोन हजार एकवीस मध्ये ते बंगळूरूत शिफ्ट झाले. तिथं गेल्यावर त्यांनी पुन्हा वोटर कार्ड अपडेट केलं आणि कर्नाटक निवडणुकीत मतदान केलं. नव्या जागी राहायला गेल्यावर जुना रेकॉर्ड पुसला जातो असा आदित्य श्रीवास्तव यांचा समज होता, पण प्रत्यक्षात तसं झालेलं नाही.