BJP Protest : अबू आझमींच्या घराबाहेर भाजप आक्रमक, आझमींच्या घराबाहेर वंदे मातरम् गाणार

राष्ट्रीय गीत 'वंदे मातरम'ला १५० वर्षे पूर्ण झाल्याच्या निमित्ताने भाजपकडून सामूहिक गायनाचे आयोजन करण्यात आले आहे, तर दुसरीकडे समाजवादी पक्षाचे आमदार अबू आझमी यांनी याला विरोध केल्याने नवा वाद निर्माण झाला आहे. या पार्श्वभूमीवर, 'अबू आझमी यांचा वंदे मातरमला नेमका विरोध काय आहे?' हा प्रश्न राजकीय वर्तुळात चर्चेचा विषय बनला आहे. आझमींच्या विरोधानंतर भाजप कार्यकर्ते आक्रमक झाले असून, त्यांनी मुंबईतील कोलाबा येथील अबू आझमी यांच्या निवासस्थानाबाहेर 'वंदे मातरम' गीत गाऊन आंदोलन केले. यावेळी भाजप कार्यकर्त्यांनी झेंडे आणि भारत मातेचे फोटो आणले होते. परिसरात तणाव निर्माण होऊ नये म्हणून पोलिसांचा मोठा फौजफाटा तैनात करण्यात आला आहे.