Raj - Uddhav Thackeray Satyacha Morcha : मतदार यादीत घोळ, ठाकरे बंधू आक्रमक, थेट कारवाईचे आदेश

मतदार यादीतील कथित घोळावरून उद्धव ठाकरे (Uddhav Thackeray), राज ठाकरे (Raj Thackeray) आणि शरद पवार (Sharad Pawar) यांनी निवडणूक आयोग आणि सरकारवर जोरदार हल्ला चढवला आहे. 'दुबार-तिबार मतदान करणाऱ्याला तिथेच फोडून काढा आणि पोलिसांच्या ताब्यात द्या,' असे आदेश राज ठाकरे यांनी कार्यकर्त्यांना दिले आहेत. उद्धव ठाकरे यांनीही 'मतचोर दिसेल तिथे त्याला फटकावलाच पाहिजे' असे म्हणत आक्रमक भूमिका घेतली. ठाकरे यांनी मतदार यादीतील घोळाचे पुरावे सादर करत, सर्व पक्ष बोगस मतदार असल्याचं मान्य करत असताना निवडणुकांची घाई का, असा सवाल केला. 'Anaconda ची भूक शमत नाही, त्यांनी पक्ष, नाव, चिन्ह चोरलं आणि आता माझे वडील चोरायचा प्रयत्न करत आहेत,' अशा शब्दात उद्धव ठाकरेंनी भाजपवर टीका केली. या मोर्चातील एकजूट ही संयुक्त महाराष्ट्राच्या चळवळीनंतरची सर्वात मोठी राजकीय एकजूट असल्याचेही ते म्हणाले.