Top 25 : टॉप 25 बातम्यांचा वेगवान आढावा सुपरफास्ट एका क्लिकवर : 30 August 2024 : 10 PM

मालवणमधील शिवरायांचा पुतळा कोसळल्याप्रकरणी चौकशी समिती गठीत, भारतीय नौदलाचे तज्ञ कमांडर पवन धिंगरा यांच्या अध्यक्षतेखाली चौकशी समितीची स्थापना.   

सिंधुदुर्गच्या राजकोट किल्ल्यावरील राड्याप्रकरणी ठाकरे गटाच्या 17, तर राणेंच्या 23 समर्थकांवर गुन्हे दाखल, याप्रकरणी अधिक तपास सुरू.

.पंतप्रधान मोदींच्या मुंबई दौऱ्याच्या पार्श्वभूमीवर आज सकाळी काँग्रेस नेत्यांची धरपकड, आंदोलनासाठी निघालेल्या नसीम खान, वर्षा गायकवाड, असलम शेख, भाई जगतापांना पोलिसांनी ताब्यात घेतलं. 

बीडमध्ये तानाजी सावंतांविरोधात अजित पवार गटाकडून खेकडा आंदोलन, बिंदुसरा नदीच्या कडेला तानाजी सावंतांच्या बॅनरवर खेकडे सोडत जोरदार घोषणाबाजी. 

एकनाथ खडसेंच्या भाजप प्रवेशावर केंद्रीय मंत्री रक्षा खडसेंचं मौन, नाथाभाऊ ज्येष्ठ नेते, यावर तेच बोलू शकतील रक्षा खडसेंची माहिती. 

राष्ट्रवादीचे आमदार बबन शिंदे यांची विधानसभेच्या निवडणुकीतून माघार. मुलाला  मैदानात उतरवणार. आजवर मला सहा वेळा विजयी केलं, आता रणजीतला संधी द्या. बबन शिंदेंचं आवाहन. 

भाईंदरमध्ये भाजपा पदाधिकारी राजन पांडेंवर चाकूने हल्ला, या मारहाणीचा व्हिडिओ व्हायरल, जखमी झालेल्या पांडेंवर उपचार सुरू.