Phaltan Doctor : 'आरोपी पोलिसांना वाचवलं जातंय', सुषमा अंधारेंचा तपास यंत्रणेवर गंभीर आरोप

फलटण येथील महिला डॉक्टर आत्महत्या (Phaltan Doctor Suicide) प्रकरणी शिवसेना (UBT) नेत्या सुषमा अंधारे (Sushma Andhare) यांनी ठिय्या आंदोलन करत पोलीस तपासावर गंभीर प्रश्न उपस्थित केले आहेत. 'आरोपी पोलिसांना वाचवलं जातंय', असा थेट आरोप करत अंधारेंनी तपास यंत्रणेवर संशय व्यक्त केला आहे. मृत डॉक्टरच्या चारित्र्यावर शिंतोडे उडवले जात असल्याचा दावा करत, त्यांनी जयकुमार गोरे (Jaykumar Gore) आणि रुपाली चाकणकर (Rupali Chakankar) यांच्यावरही निशाणा साधला. अंधारे यांनी मृत डॉक्टरने लिहिलेल्या चार पानी पत्राचा उल्लेख केला आणि विचारले की केवळ दोन आरोपींवर कारवाई का झाली, तर डीवायएसपी राहुल ढवळे (DYSP Rahul Dhavale) आणि इतर अधिकाऱ्यांवर कारवाई का झाली नाही. 'सुनील महाडिकांची जरी बदली झाली तरी ते ऑन ड्युटी आहेत', असे म्हणत त्यांनी पोलिसांच्या भूमिकेवर प्रश्नचिन्ह निर्माण केले.