Special Report | महेश मस्केंच्या 'माझा' ला शुभेच्छा, पिंपळाच्या पानावर कोरला 'लोगो'

एबीपी माझाचं नवं रुपडं आज आपल्यासमोर आलंय. नवीन लोगोसह एबीपी माझाचं नवीन रूप आपण आजपासून पाहत आहोत. अमर्यादित या थीमसह झालेल्या या बदलाचं स्वागत होतंय. अनेक दिग्गजांसह समाजाच्या सर्वच स्तरांतून एबीपी माझावर शुभेच्छांचा वर्षाव सुरू आहे. याच शुभेच्छांच्या वर्षावात एक खास शुभेच्छा आल्यात त्या बार्शीच्या एका कलाकाराकडून. महेश मस्के असं या कलाकाराचं नाव. एका डोळ्याने अंध असलेला महेश अवलिया कलाकार आहे. पिंपळाच्या पानावर त्याने एबीपी माझाचा नवा लोगो आणि नाव काढून अनोख्या शुभेच्छा दिल्या आहेत.