Shivrajyabhishek Din 2021 : शिवराज्याभिषेक सोहळ्यानिमित्त किल्ले रायगडाला आकर्षक विद्युत रोषणाई

Shivrajyabhishek Din 2021 : शिवराज्याभिषेक सोहळ्यानिमित्त किल्ले रायगडाला आकर्षक विद्युत रोषणाई 

किल्ले रायगडवर नेत्रदीपक रोषणाईची दखल घेऊन खासदार डॉ.श्रीकांत शिंदेना युवराज छत्रपती श्री संभाजीराजे यांच्याकडून सन्मानपत्र देऊन गौरविण्यात येणार आहे. खासदार डॉ. श्रीकांत शिंदे यांच्या वतीने रायगडावर दररोज 5 पुष्पहार अर्पण होत आहेत. तसेच शिवराज्याभिषेक दिनानिमित्त किल्ले रायगडावर कल्याणचे लोकसभा खासदार डॉ. श्रीकांत शिंदे फाऊंडेशनच्या वतीने नेत्रदीपक रोषणाई करण्यात आली आहे. मेघडंबरी आणि होळीचा माळ येथील छत्रपती शिवरायांच्या पूर्णाकृती पुतळ्याच्या ठिकाणी, जगदीश्वर मंदीर, समाधीस्थळ आणि शिकराई देवी मंदीर, राजसदर यांसहित रायगडवरील विविध वास्तू नेत्रदीपक रोषणाईने उजळून निघाल्या आहेत.