Sanjay Raut Meet Raj Thackeray : संजय राऊत राज ठाकरेंच्या भेटीला 'शिवतीर्थ'वर दाखल

शिवसेना (UBT) नेते संजय राऊत (Sanjay Raut) आणि मनसे अध्यक्ष राज ठाकरे (Raj Thackeray) यांच्या भेटीमुळे महाराष्ट्राच्या राजकारणात पुन्हा एकदा मोठी चर्चा सुरू झाली आहे. मतदार यादीतील (Voter List) घोळाच्या विरोधात १ नोव्हेंबर रोजी विरोधी पक्षांनी एकत्र येऊन काढलेल्या मोर्चाच्या नियोजनासंदर्भात ही भेट असल्याचे म्हटले जात असले, तरी यामुळे ठाकरे बंधूंच्या संभाव्य युतीच्या (Thackeray Brothers Alliance) चर्चांना नव्याने बळ मिळाले आहे. संजय राऊत यांनी म्हटले आहे की, 'ही लढाई लोकशाहीची गरज आहे, निवडणूक आयोग ऐकायला तयार नसेल, तर त्यांना दणका द्यावाच लागेल आणि तो रस्त्यावर उतरून द्यावा लागेल'. या भेटीदरम्यान, राज ठाकरे यांचे पुत्र अमित ठाकरे (Amit Thackeray) यांनी राऊत यांचे स्वागत केले. आगामी महापालिका निवडणुकांच्या पार्श्वभूमीवर होणाऱ्या या भेटीकडे संपूर्ण राज्याचे लक्ष लागले आहे.