Jalgaon Raver News : मुलं पळवून नेण्याचा संशय, साधूंच्या वेषातील दोघांना बेदम मारहाण

जळगाव जिल्ह्यातील रावेर तालुक्यात कुसुमबा लोहारा परिसरात साधूंच्या वेशातील दोन जणांना ग्रामस्थांनी मारहाण केली. मुलं पळवून नेण्याच्या संशयावरुन ही घटना घडली. ग्रामस्थांनी केवळ मारहाणच केली नाही, तर त्यांची गाडी देखील पकडली. या घटनेची माहिती मिळताच पोलिसांनी तातडीने घटनास्थळी धाव घेतली. घटनास्थळी जमलेला जमाव पोलिसांनी पांगवला. सध्या सावदा पोलीस ठाण्यात या प्रकरणी गुन्हा दाखल करण्याची प्रक्रिया सुरू आहे. मुलं पळवून नेणाऱ्या टोळीच्या अफवेमुळे ग्रामस्थांमध्ये संशयाचे वातावरण निर्माण झाले होते. याच संशयातून साधूंच्या वेशातील या दोघांना लक्ष्य करण्यात आले. पोलिसांनी परिस्थिती नियंत्रणात आणली असून पुढील तपास सुरू आहे. अशा अफवांवर विश्वास न ठेवण्याचे आवाहन प्रशासनाकडून करण्यात येत आहे. या घटनेमुळे परिसरात तणाव निर्माण झाला होता, मात्र पोलिसांच्या हस्तक्षेपामुळे परिस्थिती निवळली.