Maharashtra Politics: 'मुंबई निवडणूक संपताच भाजप Eknath Shinde यांना संपवणार', Rohit Pawar यांचा मोठा दावा

राज्याच्या राजकारणात पुन्हा एकदा मोठी खळबळ उडाली आहे. राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी भाजपवर जोरदार हल्लाबोल केला असून महायुतीत वाद पेटण्याची शक्यता आहे. 'मुंबईची निवडणूक संपली की भाजपा एकनाथ शिंदेंना टारगेट करणार असल्याचा' खळबळजनक दावा रोहित पवार यांनी केला आहे. केंद्रीय गृहमंत्री अमित शाह यांच्या 'आता आम्हाला कुबड्यांची गरज नाही' या वक्तव्याचा संदर्भ देत, शिंदे यांचे महत्त्व कमी करण्याचा हा भाजपचा डाव असल्याचा आरोपही त्यांनी केला. दुसरीकडे, राष्ट्रवादी काँग्रेसचे अध्यक्ष शरद पवार यांनी आगामी स्थानिक स्वराज्य संस्थांच्या निवडणुकांसाठी एक महत्त्वाची रणनीती आखली आहे. या निवडणुकीत 'मूळ ओबीसी' असलेल्या उमेदवारांनाच संधी द्यावी आणि जिथे असे उमेदवार नसतील तिथे कुणबी प्रमाणपत्र मिळालेल्यांना संधी द्यावी, अशा स्पष्ट सूचना शरद पवारांनी पदाधिकाऱ्यांना दिल्या आहेत. या घडामोडींमुळे राज्यातील राजकीय समीकरणे आणखी गुंतागुंतीची झाली आहेत.