Raigad Politics: 'सुनील तटकरेंना जशास तसं उत्तर देऊ', शिंदे गटाचे आमदार महेंद्र दळवींचा थेट इशारा

रायगडच्या राजकारणात (Raigad politics) मोठा भूकंप होण्याची शक्यता आहे, महायुतीत (Mahayuti) पुन्हा एकदा वादाची ठिणगी पडली आहे. अजित पवारांची राष्ट्रवादी (Ajit Pawar's NCP) आणि उद्धव ठाकरेंची शिवसेना (Uddhav Thackeray's Shiv Sena) यांच्यात स्थानिक पातळीवर युतीच्या (alliance) हालचाली सुरू झाल्याने शिंदे गटाचे (Shinde faction) आमदार महेंद्र दळवी (MLA Mahendra Dalvi) आक्रमक झाले आहेत. 'सुनील तटकरेंना (Sunil Tatkare) जशास तसं उत्तर दिलं जाईल', असा थेट इशारा आमदार महेंद्र दळवींनी दिला आहे. महायुतीत राहून मंत्रिपदं आणि खासदारकी उपभोगायची आणि दुसरीकडे आमच्या वैऱ्यांशी युती करायची, ही तटकरेंची संस्कृती असल्याची टीका दळवींनी केली. येत्या निवडणुकीत आम्ही महायुतीचा धर्म पाळू, पण अशा दुटप्पी भूमिकेला जनताच उत्तर देईल, असंही ते म्हणाले. मुख्यमंत्र्यांच्या आदेशानुसारच महायुतीचं काम पुढे जाईल, पण स्वतःच्या फायद्यासाठी आघाडी धर्म मोडणाऱ्यांना सोडणार नाही, असा गर्भित इशाराही त्यांनी दिला आहे.