Bal Thackeray Death Row | Ramdas Kadam यांचे आरोप, Narco Test चे आव्हान; Thackeray गटाचे प्रत्युत्तर

रामदास कदम आणि ठाकरे यांच्या शिवसेनेमध्ये राजकीय आरोप-प्रत्यारोपांचा 'खो-खो' सुरू आहे. रामदास कदम यांनी पुन्हा पत्रकार परिषद घेऊन नवे आरोप केले. बाळासाहेब ठाकरे यांच्या मृत्युपत्राबाबतचा आपला दावा त्यांनी कायम ठेवला. त्यांनी आपल्या आरोपांना 'संशय' असे म्हटले. या आरोपांची सत्यता तपासण्यासाठी त्यांनी नार्को टेस्टचा पर्याय समोर ठेवला. अनिल परब यांनी ४३ बिल्डरांकडून पैसे घेतल्याचा आणि यशवंतराव योजनेत कोट्यवधी घेतल्याचा आरोप करत, परब यांनी आधी नार्को टेस्ट करावी असे आव्हान दिले. ठाकरे यांच्या शिवसेनेचे नेते संजय राऊत यांनी यावर प्रतिक्रिया देताना म्हटले, "हे नमक हराम नाही तर काय? यांना काय म्हणायचंय? यांना जबर किंमत मोजावी लागणार आहे." अमित शाह, नरेंद्र मोदी किंवा देवेंद्र फडणवीस हे बेईमान लोकांना वाचवणार नाहीत, असेही राऊत म्हणाले. किशोरी पेडणेकर यांनी बाळासाहेब ठाकरे सही करत असल्याचे सांगत आरोपातील हवा काढण्याचा प्रयत्न केला. शिंदे यांच्या पक्षाचे भरत गोगावे यांनी या वादापासून सुरक्षित अंतर राखले. राष्ट्रवादी काँग्रेसने बाळासाहेब ठाकरे यांच्या मृत्युवर राजकारण करणे निंदनीय असल्याचे म्हटले. गेल्या तीन दिवसांपासून हे आरोप-प्रत्यारोप सुरू असून, जनतेला महत्त्वाची माहिती का लपवली गेली याची उत्सुकता आहे.