Rajan Vichare on Satyacha Morcha : मतदार यादीतला घोळ, 'चोरांना खाली खेचा', विचारेंचा एल्गार

मुंबईत महाविकास आघाडी (MVA) आणि मनसेच्या (MNS) 'सत्याचा मोर्चा' दरम्यान खासदार राजन विचारे (Rajan Vichare) यांनी सरकारवर जोरदार टीका केली आहे. उद्धव ठाकरे (Uddhav Thackeray) आणि राज ठाकरे (Raj Thackeray) यांच्या नेतृत्वाखाली झालेल्या या मोर्चात मतदार याद्यांमधील (Voter Lists) घोळाचा मुद्दा प्रामुख्याने उचलण्यात आला. 'या चोर्या करून सत्तेवर बसलेल्या चोरांना खाली खेचलं पाहिजे, त्यासाठी हा सत्याचा मोर्चा आहे,' असं म्हणत राजन विचारे यांनी सरकारवर थेट निशाणा साधला. लोकसभा निवडणुकीत १.६१ लाख आणि विधानसभा निवडणुकीत १.७१ लाख बोगस नावं टाकल्याचा गंभीर आरोपही त्यांनी केला. राज्यात कायदा-सुव्यवस्थेचा प्रश्न गंभीर असून सरकार सर्वसामान्यांचे प्रश्न सोडवण्यात अपयशी ठरल्याची टीकाही त्यांनी केली. या मोर्चाला उत्तर म्हणून भाजपने काढलेल्या मूक मोर्चावरही त्यांनी टीका केली.