Coronavirus | कोरोनाच्या पार्श्वभूमीवर गंभीर स्वरुपाचे गुन्हे नसलेल्या कैद्यांना जामीन मिळणार?

कोरोनाच्या पार्श्वभूमीवर राज्यभरातल्या जेलमध्ये असलेल्या काही कैद्यांना जामीन दिला जाण्याची शक्यता आहे. ज्या कैद्यांवर गंभीर स्वरुपाचे गुन्हे नाहीत अशा कैद्यांची यादी तयार केली जाणार आहे. या कैद्यांची काही दिवसांसाठी तुरुंगातून सुटका होण्याची शक्यता आहे. सध्या राज्यभरातल्या 45 ठिकाणी 60 कारागृहं आहेत. एकूण 38 हजार कैदी या कारागृहांमध्ये बंदिस्त आहेत. न्यायालयातील कैद्यांची सुनावणी व्हिडीओ कॉन्फरन्सिंगद्वारे होण्याची शक्यता आहे. उद्यापासून तुरुंगातील कैद्यांची बेसिक मेडिकल टेस्ट करण्यात येणार आहे. राज्य कारागृह विभागाचे प्रमुख सुनील रामानंद यांनी याबाबतची माहिती दिली आहे.