Pravin Darekar: मुंबै बॅंकेचे 'श्रीमंत' मजूर प्रवीण दरेकर अपात्र,मजूर नसतानाही निवडणूक लढवून फसवणूक?

मुंबै बँकेवर संचालक म्हणून बिनविरोधात निवडून गेलेले प्रवीण दरेकर यांना मजूर म्हणून अपात्र ठरवण्यात आलंय. सहकार विभागाने ही कारवाई केलीय. विधानपरिषदेचे विरोधी पक्षनेते प्रवीण दरेकर यांना सहकार विभागाने तुम्ही मजूर आहात का अशी विचारणा करणारी नोटीस पाठवली होती. यावर चौकशी करुन सहकार विभागाने दरेकर मजूर नसल्याचा अहवाल दिलाय. दरेकरांना अपात्र ठरवताना विधानपरिषद निवडणुकीवेळी दिलेल्या प्रतिज्ञापत्राकडे लक्ष वेधण्यात आलंय.