Pooja Chavan Case | भाजप नगरसेवकाकडून लॅपटॉप, मोबाईल गायब; शिवसेनेच्या जिल्हाप्रमुखांची पोलीसांत धाव

राज्यभरात चर्चेत असलेल्या पूजा चव्हाण मृत्यू प्रकरणात आता आणखी एक तक्रार दाखल करण्यात आलीय. पूजाच्या मृत्युनंतर पुण्यातले भाजप नगरसेवक धनराज घोगरे यांनी तिच्या घरात बेकायदेशीररित्या प्रवेश करून तिचा लॅपटॉप आणि मोबाईल घेतला आणि त्यातील फोटो, ऑडिओ-व्हीडिओ व्हायरल केले असा गंभीर आरोप शिवसेनेच्या बीड महिला जिल्हाप्रमुख संगीता चव्हाण यांनी केलाय. संगीता चव्हाण यांनी तशी तक्रार बीडमध्ये पोलीस ठाण्यात दिलीय.