NCP Alliance Talks : काका-पुतणे एकत्र येणार? Pimpri-Chinchwad मध्ये BJP ला रोखण्यासाठी दोन्ही राष्ट्रवादींची तयारी.

उपमुख्यमंत्री अजित पवार (Ajit Pawar) यांनी मुख्यमंत्री देवेंद्र फडणवीस (Devendra Fadnavis) यांची भेट घेऊन महायुतीच्या (Mahayuti) निवडणूक रणनीतीवर चर्चा केली. दुसरीकडे, पिंपरी-चिंचवडमध्ये (Pimpri-Chinchwad) स्थानिक स्वराज्य संस्थांच्या निवडणुकीसाठी दोन्ही राष्ट्रवादी काँग्रेस गट एकत्र येण्याचे संकेत मिळत आहेत. भाजपला रोखण्यासाठी आम्ही एक पाऊल मागे घ्यायला तयार आहोत, असे शरद पवार गटाचे शहराध्यक्ष तुषार कामठे यांनी म्हटले आहे. यावर प्रतिक्रिया देताना अजित पवार गटाचे शहराध्यक्ष योगेश बहल म्हणाले, 'दोन राष्ट्रवादी लढण्यापेक्षा एक राष्ट्रवादी कधीही झालेली चांगली आहे आणि एकत्र यायला ही आनंदाची बाब आहे'. रोहित पवार (Rohit Pawar) यांनी दिलेल्या संकेतानंतर दोन्ही गटांतील स्थानिक नेत्यांनी आघाडीसाठी सकारात्मकता दर्शवली आहे, ज्यामुळे भाजपच्या विरोधात एकजुटीची शक्यता निर्माण झाली आहे.