NASHIK FIRING: गोळीबार प्रकरणी BJP नेत्याचे निकटवर्तीय Mama Rajwade पोलिसांच्या ताब्यात

नाशिकमधील गंगापूर रोड (Gangapur Road) गोळीबार प्रकरणी पोलीस तपास करत असून, भाजपा (BJP) नेते सुनील बागुल (Sunil Bagul) यांचे निकटवर्तीय मानले जाणारे मामा राजवाडे (Mama Rajwade) यांना चौकशीसाठी बोलावण्यात आले आहे. या गोळीबार प्रकरणात राजवाडे यांचा सहभाग असल्याचा पोलिसांना संशय आहे. सुनील बागुल आणि मामा राजवाडे यांनी काही काळापूर्वीच ठाकरे गटाच्या शिवसेनेतून (Shiv Sena) भाजपामध्ये प्रवेश केला होता. या घटनेमुळे नाशिकच्या राजकीय वर्तुळात खळबळ उडाली आहे. पोलिसांनी या प्रकरणात आतापर्यंत तिघांना अटक केली आहे. मिळालेल्या माहितीनुसार, सुनील बागुल यांचा पुतण्या अजय बागुल (Ajay Bagul) आणि इतर काही आरोपी अद्याप फरार असून पोलीस त्यांचा शोध घेत आहेत. या चौकशीतून या प्रकरणावर अधिक प्रकाश पडण्याची शक्यता आहे.