Railway Protestरेल्वे संघटनांवर सदोष मनुष्यवधाचा गुन्हा दाखल होणार? आंदोलनाने घेतला 2 प्रवाशांचा बळी

मुंबईतील रेल्वे कर्मचारी आंदोलनामुळे प्रवाशांना मोठा फटका बसला असून दोन प्रवाशांचा मृत्यू झाला आहे. आधीच जमावबंदीचे आदेश असताना कामबंद आंदोलन केल्याप्रकरणी रेल्वे कर्मचारी संघटनांवर सदोष मनुष्यवधाचा आणि रेल्वे कायद्यानुसार आरपीएफ (RPF) गुन्हा दाखल करणार का, असा प्रश्न निर्माण झाला आहे. मुंब्रा (Mumbra) येथे झालेल्या अपघाताप्रकरणी लोहमार्ग पोलिसांनी दोन अभियंत्यांवर गुन्हा दाखल केल्याच्या निषेधार्थ, रेल्वे कर्मचारी संघटनांनी काल सीएसएमटी (CSMT) स्थानकात आंदोलन केले. यामुळे सुमारे तासभर लोकलसेवा ठप्प झाली होती. सेवा पूर्ववत झाल्यावर सॅन्डर्स (Sandhurst) आणि मशीद बंदर (Masjid Bander) दरम्यान रुळावरून चालणाऱ्या प्रवाशांना लोकलने उडवले, ज्यात दोघांचा मृत्यू झाला आणि दोघे जखमी झाले.