Digital Arrest Scam: मुंबईतील ५८ कोटींच्या 'डिजिटल अरेस्ट' प्रकरणी मोठी कारवाई, २६ जणांना अटक

मुंबईतील ५८ कोटी रुपयांच्या 'डिजिटल अरेस्ट' (Digital Arrest) घोटाळ्याप्रकरणी महाराष्ट्र सायबर सेलने (Maharashtra Cyber Cell) मोठी कारवाई केली आहे. या प्रकरणात आतापर्यंत २६ आरोपींना अटक करण्यात आली आहे, ज्यात बँक खातेधारक आणि मध्यस्थांचा समावेश आहे. पोलिसांनी दिलेल्या माहितीनुसार, 'आरोपींना एक ते पाच टक्क्यांपर्यंत कमिशन देण्याचं आमिष दाखवलं गेलं आणि त्यांची खाती वापरण्यास घेण्यात आली होती'. या हाय-प्रोफाइल प्रकरणात सायबर गुन्हेगारांनी एका ७२ वर्षीय व्यावसायिकाला 'डिजिटल अरेस्ट' करून ५८ कोटींहून अधिक रुपयांची फसवणूक केली. अटक करण्यात आलेल्या आरोपींच्या खात्यावर घोटाळ्यातील काही रक्कम वळवण्यात आल्याचे तपासात समोर आले आहे. महाराष्ट्र सायबर सेल या प्रकरणाचा अधिक तपास करत असून या नेटवर्कमागील मुख्य सूत्रधारांचा शोध घेत आहे.