MNS Action Mode: निवडणुकांच्या पार्श्वभूमीवर राज ठाकरेंची 'शिवतीर्थ'वर आज संध्याकाळी ६ वाजता खलबतं

आगामी सार्वजनिक संस्थांच्या निवडणुकीच्या पार्श्वभूमीवर मनसे (MNS) अॅक्शन मोडमध्ये आली आहे, पक्षाध्यक्ष राज ठाकरे (Raj Thackeray) यांनी आज मुंबईतील त्यांच्या 'शिवतीर्थ' या निवासस्थानी एका महत्त्वपूर्ण बैठकीचे आयोजन केले आहे. या बैठकीत मनसेचे नेते, मुंबई अध्यक्ष, उपाध्यक्ष आणि विभाग अध्यक्ष उपस्थित राहणार असून, राज ठाकरे निवडणुकीच्या तयारीचा आढावा घेणार आहेत. आज संध्याकाळी सहा वाजता होणाऱ्या या बैठकीत राज ठाकरे मनसे नेत्यांना निवडणुकीसाठी काय कानमंत्र देणार, याकडे संपूर्ण राजकीय वर्तुळाचे लक्ष लागले आहे. या बैठकीत मुंबईतील मतदार याद्यांच्या निरीक्षणासंदर्भातही चर्चा होणार असल्याचे समजते. पक्षाला निवडणुकीसाठी सज्ज करणे आणि पुढील रणनीती ठरवणे हा या बैठकीचा मुख्य उद्देश आहे.