Voter List Scam: 'निवडणूक आयोगानं table टाकून नोंदणी केली का?'; Navi Mumbai त MNS चे Gajanan Kale आक्रमक

नवी मुंबईतील (Navi Mumbai) पाम बीच रोडवर (Palm Beach Road) मतदार यादीतील घोळाचा मनसेने (MNS) पर्दाफाश केला आहे. येथे तब्बल २५० मतदारांची नोंद पत्त्याशिवाय करण्यात आल्याचे समोर आले असून, याप्रकरणी मनसे प्रवक्ते गजानन काळे (Gajanan Kale) यांनी निवडणूक आयोगाच्या (Election Commission) कार्यपद्धतीवर गंभीर प्रश्नचिन्ह उपस्थित केले आहे. 'या पाम बीच रोडवरती निवडणूक आयोगाने टेबल टाकून या मतदारांची नोंदणी केलेली आहे का?' असा थेट सवाल गजानन काळे यांनी केला आहे. मनसे कार्यकर्त्यांनी पाम बीच रोडवर उतरून या मतदारांचा शोध घेण्याचा प्रयत्न केला, मात्र त्यांना एकही मतदार सापडला नाही. लोकप्रतिनिधींच्या दबावाखाली परराज्यातील लोकांची नोंदणी झाली आहे का, असा संशय मनसेने व्यक्त केला आहे. ही नावे तात्काळ मतदार यादीतून वगळण्यात यावीत, अशी मागणी मनसेने केली आहे.