Milk Rate Hike : जानेवारीनंतर दुधाचे दर वाढण्याची शक्यता, दुधाची टंचाई निर्माण होणार का?

Milk Rate Hike : ऐन दिवाळीच्या तोंडावर दुधाचे दर वाढले आहेत आणि हे दर आणखी वाढण्याची शक्यता आहे. जानेवारी ते मार्च दरम्यान देशात दुधाची टंचाई निर्माण होऊ शकते, असं निरीक्षण इंडियन डेअरी असोसिएशनचे संचालक चेतन नरके यांनी नोंदवलं आहे. जनावरांना झालेल्या लम्पी आजारामुळे पशुधन कमी झालं आहे. तसंच चाऱ्याचीही चंटाई आहे. याशिवाय यावेळी दूध पावडरचं उत्पादनही घटलं आहे. त्यामुळे जानेवारीनंतर दूध संकलन कमी झाल्यानंतर मागणीप्रमाणे पुरवठा होण्याची शक्यता कमी आहे. त्यामुळे दुधाचे दर प्रतिलिटर 5 ते 6 रुपयाने वाढू शकतात, असा अंदाज आहे.