Maha Politics: अजित पवारच अध्यक्ष, मोहोळांची माघार! फडणवीसांच्या तोडग्याने 'महायुती'तील सामना टाळला

महाराष्ट्र ऑलिंपिक असोसिएशनच्या (Maharashtra Olympic Association) अध्यक्षपदाच्या निवडणुकीतील संघर्ष अखेर संपुष्टात आला आहे. या निवडणुकीत अजित पवार (Ajit Pawar) आणि मुरलीधर मोहोळ (Muralidhar Mohol) हे महायुतीतील (Mahayuti) दोन मोठे नेते आमनेसामने होते, मात्र मुख्यमंत्री देवेंद्र फडणवीस (Devendra Fadnavis) यांनी मध्यस्थी करत यशस्वी तोडगा काढला आहे. 'सामुपचाराने तोडगा निघाल्याने मुरलीधर मोहोळ अध्यक्षपदाचा अर्ज मागे घेतील', अशी माहिती समोर आली आहे. या नव्या सूत्रानुसार, अजित पवार अध्यक्षपदी कायम राहणार असून, मुरलीधर मोहोळ वरिष्ठ उपाध्यक्ष (Senior Vice-President) बनतील. तसेच, मोहोळ यांच्या गटाला खजिनदार आणि सचिवपदासह एकूण ११ जागा मिळणार आहेत, तर अजित पवार गटाकडे १० जागा असतील. महायुतीमध्ये अंतर्गत निवडणूक आणि संभाव्य वाद टाळण्यासाठी हा निर्णय घेण्यात आल्याचे स्पष्ट झाले आहे.