Language Row: हिंदी सक्तीला विरोध कायम, राज ठाकरेंनी स्पष्ट केली भूमिका

त्रिभाषा समितीचे अध्यक्ष नरेंद्र जाधव (Narendra Jadhav) यांनी आज मनसे अध्यक्ष राज ठाकरे (Raj Thackeray) यांची 'शिवतीर्थ' या त्यांच्या निवासस्थानी भेट घेतली. ‘हिंदी भाषा ही तिसरी भाषा म्हणून चालू शकेल पण पहिली ते चौथीच्या इयत्तांना हिंदीची सक्ती असता कामा नये,’ असे राज ठाकरे यांनी स्पष्टपणे सांगितले. या भेटीत, राज्यात हिंदी भाषा अनिवार्य (Hindi Compulsion) करण्याच्या विरोधानंतर स्थापन झालेल्या त्रिभाषा समितीच्या (Trilanguage Committee) आतापर्यंतच्या कार्याविषयी राज ठाकरे यांनी माहिती घेतली. जाधव यांनी सांगितले की, समितीला मिळालेल्या अभिप्रायानुसार, सुमारे ९५ टक्के लोकांचा पहिली ते चौथीपर्यंत हिंदी लादण्यास विरोध आहे. समिती आपला अहवाल २० डिसेंबरपर्यंत शासनाला सादर करणार आहे, असेही जाधव यांनी स्पष्ट केले.