Maharashtra Language Politics | ठाकरे बंधूंचा मेळावा, 'जय गुजरात' आणि मराठीला आव्हान!

राज्यात मराठी आणि हिंदी भाषेवरून राजकारण तापले आहे. उद्या ठाकरे बंधूंचा एकत्र मेळावा होणार आहे. या पार्श्वभूमीवर आज दोन महत्त्वाच्या घडामोडी घडल्या आहेत. राज्याचे उपमुख्यमंत्री एकनाथ शिंदे यांनी पुण्यातील एका कार्यक्रमात भाषण संपवताना 'जय गुजरात' अशी घोषणा केली आहे. दुसरीकडे, मुंबईतील एका गुंतवणूक तज्ज्ञाने, ज्याचे नाव केडिया आहे, त्याने थेट राज ठाकरे यांनाच आव्हान दिले आहे. 'मराठी शिकत नाही काय करायचंय ते करा' अशा शब्दांत त्याने हे आव्हान दिले आहे. त्यामुळे एकीकडे महाराष्ट्रात गुजरातचे गुणगान केले जात आहे, तर दुसरीकडे मुंबईतच मराठी भाषेला आव्हान दिले जात आहे. या घटनांमुळे राज्यातील भाषा राजकारण अधिकच तीव्र झाले आहे.