Ladki Bahin Yojana Fund Rowलाडकीमुळे इतर खात्यांना निधी कमी?सत्ताधाऱ्यांमध्येच नाराजी Special Report

लाडकी बहीण योजनेमुळे इतर खात्यांना निधी कमी मिळत असल्याची तक्रार सत्ताधारी पक्षातूनच समोर आली आहे. इंदापूरचे आमदार आणि क्रीडामंत्री दत्ता मामा भरणे यांनी आपल्या मतदारसंघाला निधी मिळण्यास उशीर होत असल्याचे सांगितले. दत्ता मामा भरणे हे अर्थमंत्री अजित पवारांचे निकटवर्तीय मानले जातात. त्यांच्या या वक्तव्यामुळे विरोधकांना सरकारवर टीका करण्याची संधी मिळाली. अजित पवारांनी यावर प्रतिक्रिया देताना, "मी विचारतो त्याला, कारण त्याला कुठली बातमी कळाली?" असे म्हटले. राष्ट्रवादी पक्षातील ज्येष्ठ नेते आणि मंत्री छगन भुजबळ यांनी सरकारची बाजू सावरण्याचा प्रयत्न केला. त्यांनी सांगितले की, "पैसे कुठेही जाणार नाही, सर्वांना ते पैसे मिळणार." शिवभोजन योजनेचेही तीन महिन्यांचे पैसे मिळाले असून, आता हळूहळू परिस्थिती पूर्ववत होईल असे त्यांनी नमूद केले. शरद पवारांच्या राष्ट्रवादीचे आमदार जितेंद्र आव्हाड यांनी लाडकी बहीण योजनेचा मुद्दा थेट मद्यविक्री परवान्याच्या वादासोबत जोडला. त्यांनी ड्रग्सच्या वाढत्या विक्रीवरही चिंता व्यक्त केली. यापूर्वीही मित्र पक्षातील मंत्री संजय शिरसाट आणि आदिवासी आमदार निधी वाटपावरून नाराजी व्यक्त करत आले आहेत. आदिवासी विकास निधी वळवल्याचा आरोपही करण्यात आला होता. पहिल्यांदाच अजित पवारांचे विश्वासू सहकारी निधीच्या वाटपावर बोलल्याने सत्ताधाऱ्यांमधील अंतर्गत नाराजी उघड झाली आहे. यामुळे विरोधकांच्या हाती आयते कोलीत मिळाले आहे.