Jalgaon Accident | कार- एसटीचा भीषण अपघात, साखरपुड्याचा कार्यक्रम आटोपून परतताना अपघात

जळगावमध्ये भरधाव कार आणि एसटी बसच्या अपघातात एकाच कुटुंबातील 3 जणांचा मृत्यू झालाय. तर तिघे गंभीर जखमी झाले आहेत. पारोळा तालुक्यातील विचखेडे गावाजवळ हा भीषण अपघात घडला. धुळ्यातील चौधरी कुटुंब हेसाखरपुड्याच्या कार्यक्रमाला गेले होते. हा कार्यक्रम आटोपून ते धुळ्याकडे परतत असताना त्यांची कार समोरुन येणाऱ्या एसटी बसवर जाऊन आदळली. या भीषण अपघातात चौधरी कुटुंबातील तिघांचा जागीच मृत्यू झाला. हा अपघात इतका भीषण होता की कारच्या समोरील बाजूचा अक्षरशः चुराडा झाला.