Mumbai Garba Rada : NESCO सेंटरमध्ये गरबा खेळताना राडा, धक्का लागल्यावरुन मारहाण

मुंबईच्या गोरेगावमधील लेस्को सेंटरमधे गरबा आणि दांडियाचं आयोजन करण्यात आलं होतं. या कार्यक्रमादरम्यान गरबा खेळताना धक्का लागल्यामुळे दोन व्यक्तींमध्ये जोरदार हाणामारी झाली. या घटनेत एक तरुण गंभीर जखमी झाला. घटनेची माहिती मिळताच पोलिसांनी तात्काळ घटनास्थळी धाव घेतली आणि या प्रकरणी तीन जणांना ताब्यात घेतलं होतं. मात्र, ताब्यात घेतलेल्या या तिन्ही आरोपींनी पोलिसांच्या व्हॅनमधून पळ काढल्याची माहिती समोर आली आहे. या अनपेक्षित घटनेमुळे परिसरात एकच खळबळ उडाली असून पोलिसांच्या कार्यक्षमतेवर प्रश्नचिन्ह निर्माण झालं आहे. गंभीर जखमी झालेल्या तरुणावर सध्या उपचार सुरू आहेत. फरार झालेल्या आरोपींचा शोध घेण्यासाठी पोलीस पथकं तातडीने रवाना झाली आहेत. या मारहाणीच्या घटनेमुळे सार्वजनिक कार्यक्रमांमधील सुरक्षेचा आणि कायदा व सुव्यवस्थेचा मुद्दा पुन्हा एकदा चर्चेत आला आहे. पोलीस या संपूर्ण प्रकरणाचा अधिक तपास करत आहेत.