Khanapur : आमदार गोपीचंद पडळकरांना धक्का, बालेकिल्ल्यात भाजपच्या सर्वच उमेदवारांचे डिपॉझिट जप्त

भाजपचे आमदार गोपीचंद पडळकरांना नगरपंचायत निवडणुकीत त्यांच्या बालेकिल्ल्यात जोरदार धक्का बसला. सांगलीतील खानापूर नगरपंचायतीत भाजपच्या सर्वच १७ उमेदवारांचे डिपॉझिट जप्त झालंय. शिवसेना आमदार अनिल बाबर यांच्या गटाला ९ तर राष्ट्रवादीचे माजी आमदार सदाशिव पाटील आणि काँग्रेसचे विशाल पाटील यांच्या गटाला ८ जागा मिळाल्या. या पराभवामुळे आमदार गोपीचंद पडळकर यांच्या बालेकिल्ल्यात भाजपच्या पॅनलची धूळधाण झाल्याची चर्चा जिल्ह्यात आहे.