Delhi Blast: 'सखोल चौकशी करणार', लाल किल्ल्याजवळ भीषण स्फोटात ११ ठार; गृहमंत्री अमित शहा

दिल्लीतील लाल किल्ल्याजवळ (Red Fort) झालेल्या कार स्फोटाने (Car Blast) राजधानी हादरली आहे, या घटनेनंतर गृहमंत्री अमित शहा (Amit Shah) यांनी परिस्थितीचा आढावा घेतला. 'संध्याकाळी सातच्या सुमारास दिल्लीत लाल किल्ल्याजवळ सुभाष मार्गावर (Subhash Marg) Hyundai i20 गाडीत स्फोट झाला, सर्व शक्यता लक्षात घेऊन याची सखोल चौकशी केली जाईल,' असे आश्वासन गृहमंत्री अमित शहा यांनी दिले आहे. या स्फोटात आतापर्यंत ११ जणांचा मृत्यू झाला असून ३० हून अधिक जण जखमी झाल्याचे वृत्त आहे. संध्याकाळी ६ वाजून ५२ मिनिटांनी हा स्फोट झाला. घटनेनंतर तातडीने अमित शहा यांनी रुग्णालयात जाऊन जखमींची विचारपूस केली. राष्ट्रीय सुरक्षा गार्ड (NSG) कमांडो आणि राष्ट्रीय तपास संस्थेची (NIA) टीम घटनास्थळी दाखल झाली असून परिसराची पाहणी करत आहे. विशेष म्हणजे, आजच फरीदाबादमध्ये मोठ्या प्रमाणात स्फोटकं आणि शस्त्रास्त्रांचा साठा जप्त करण्यात आला होता, त्यामुळे या स्फोटामागे घातपाताचा संशय बळावला आहे.