Pankaja Munde Antarwali Jallosh : पंकजा मुंडेंच्या विजयाचा अंतरवलीत जल्लोष, डीजेवर थिरकले कार्यकर्ते

Pankaja Munde Antarwali Jallosh : पंकजा मुंडेंच्या विजयाचा अंतरवलीत जल्लोष, डीजेवर थिरकले कार्यकर्ते

Antarwali Sarati : भाजप नेत्या पंकजा मुंडे (Pankaja Munde) यांनी विधानपरिषद निवडणुकीत (Vidhan Parishad Election) विजय मिळवल्यानंतर आज अंतरवाली सराटीमध्ये (Antarwali Sarati) गावकऱ्यांनी गुलाल उधळत आतिषबाजी करून जल्लोष साजरा केला. यावेळी तरुण मुंडे समर्थकांनी गावात डीजे लाऊन मिरवणूक देखील काढली. 

ओबीसी आंदोलकांनी गावातून रॅली काढून आपला आनंद व्यक्त केला

मराठा आंदोलक मनोज जरांगे यांनी आंदोलन केलेल्या या गावाने नुकताच वडीगोद्री येथील ओबीसी आंदोलक लक्ष्मण हाके यांच्या उपोषणाला देखील पाठिंबा देत रॅली काढली होती. आज पंकजा मुंडे समर्थक आणि ओबीसी आंदोलकांनी गावातून रॅली काढून आपला आनंद व्यक्त केला. पंकजा मुंडे यांचा बीड लोकसभा मतदारसंघात पराभव झाला होता. मात्र, विधानपरिषदेतील विजयाने पंकजा यांचे राजकीय पुनर्वसन झाले आहे. तसेच पंकजा मुंडे महाराष्ट्राच्या विधीमंडळात परतल्या आहेत.