ZP Election | राज्यातील सहा जिल्हा परिषद निवडणुकांचा आज निकाल | ABP Majha

राज्यातील 6 जिल्हा परिषदांच्या मतमोजणीची तयारी पूर्ण झालीय. येत्या तासाभरात म्हणजे सकाळी दहा वाजल्यापासून जिल्हा परिषदांची मतमोजणी होणार आहे. विदर्भ, उत्तर महाराष्ट्रातील 5 आणि पालघर जिल्हा परिषदेसाठी काल मतदान पार पडलं. उत्तर महाराष्ट्रातील धुळे आणि नंदुरबार जिल्हा परिषदेसाठी मतदान झालं. विदर्भातील नागपूर, वाशिम आणि अकोला जिल्हा परिषदेसाठी मतदान पार पडलं. यात विरोधी पक्षनेते देवेंद्र फडणवीस यांच्यासह अनेक नेत्यांची प्रतिष्ठा पणाला लागलेली आहे. सर्व सहा जिल्हा परिषदांसाठी चांगलं मतदान झालं. याचा निवडणुकीचा निकाल आज लागणार आहे. त्यामुळं राज्यातील बदललेल्या समीकरणानुसार महाविकास आघाडी बाजी मारणार की भाजप हे पाहणं महत्वाचं ठरणार आहे.