ST Bank Rada : एसटी बँकेत राडा, कामगार संघटनेचा सदावर्तेंवर भ्रष्टाचाराचे गंभीर आरोप

एसटी कोऑपरेटिव्ह बँकेच्या संचालक मंडळाच्या बैठकीत झालेल्या हल्ल्यावरून आणि वकील गुणरत्न सदावर्ते यांच्यावरील भ्रष्टाचाराच्या आरोपांवरून वातावरण तापले आहे. 'जवळ जवळ तीस कोटी रुपये यामध्ये भ्रष्टाचार सदावर्तेनी केलेला आहे,' असा थेट आरोप एसटी कामगार संघटनेने केला आहे. सदावर्ते यांचे मेहुणे सौरव पाटील एमडी असताना डेटा सेंटरच्या कामात हा भ्रष्टाचार झाल्याचा दावा संघटनेने केला. हा हल्ला पूर्वनियोजित आणि सदावर्ते यांच्या गटाने घडवून आणल्याचेही संघटनेने म्हटले आहे. या बैठकीत सदावर्ते समर्थक आणि शिंदे गटाच्या संचालकांमध्ये जोरदार बाचाबाची आणि हाणामारी झाल्याचे दिसून आले, ज्याचे व्हिडिओ व्हायरल झाले आहेत. या संपूर्ण प्रकरणी बँकेच्या कारभारावर आणि झालेल्या गोंधळावर अनेक प्रश्नचिन्ह निर्माण झाले आहेत.