Badlapur Passenge washroom : शौचालयासाठी सुटे पैसे नसल्याचं सांगताच प्रवाशाला बेदम मारहाण

Badlapur Passenge washroom : शौचालयासाठी सुटे पैसे नसल्याचं सांगताच प्रवाशाला बेदम मारहाण

रेल्वे स्थानकातील शौचालयाचमध्ये सौच करण्यासाठी गेलेल्या एका २८ वर्षीय युवकाने ५ रुपये सुट्टे नसल्याचे बोलताच शौचालय चालक आणि त्याच्या १५ वर्षीय अल्पवीयन मुलाने त्या तरुणाला बेदम  मारहाण करत त्याच्या चेह्राऱ्यावर (एसिड ) बाथरूम क्लिनर द्रव फेकून डोळयाला गंभीर दुखापत केली आहे. ही घटना बदलापूर रेल्वे स्थानकातील फलाट क्रमांक तीन वर असलेल्या शौचालयात घडली आहे. याप्रकरणी कल्याण लोहमार्ग पोलीस ठाण्यात गुन्हा दाखल करून शौचालय चालक योगेशकुमार चंद्रपालसिंग (वय ४७ ) याला अटक केली तर त्याच्या १५ वर्षीय अल्पवीयन मुलाला ताब्यात घेतले आहे. रेल्वे पोलिसांनी दिलेल्या माहितीनुसार आरोपी योगेशकुमार हा बदलापूर रेल्वे स्थानकातील फलाट क्रमांक तीन वरील शौचालय चालवणारा ठेकेदार आहे. तर तक्रारदार विनायक बाविस्कर हे बदलापूर पश्चिम भागातील गोकुळधाम कॉप्लेक्समध्ये कुटूंबासह राहतात.  १९ ऑगस्ट रोजी सकाळच्या सुमारास बदलापूर  रेल्वे स्थनाकात  नैसर्गिक विधीसाठी बदलापूर स्थानकातील शौचालयाचमध्ये गेले होते. सौच करून बाहेर आल्यानंतर आरोपी बाप लेकाने विनायककडे शौचाचा  वापर केल्या बद्दल ५ रुपयाची मागणी केली. मात्र विनायक कडे सुट्टे ५ रुपये नसल्याने त्याने नकार दिला. त्यामुळं वाद होऊन आरोपी बाप लेकानी मिळून त्याला बेदम मारहाण करत १५ वर्षीय अल्पवीयन मुलान विनायकच्या चेहऱ्यावर बाथरूम साफ करण्यासाठी असलेलं एसिड फेकलं या हल्ल्यात त्याच्या डोळ्याला गंभीर इजा झाली असून त्याचावर एका खाजगी रुग्णालयात उपचार सुरू आहे. दरम्यान घटनेची माहिती मिळताच कल्याण लोहमार्ग पोलीस घटनास्थळी दाखल होऊन पंचनामा करत आरोपी बाप लेकाला ताब्यात घेतलं.