Jalna Politics: 'जो समोर उभा तो विरोधी पक्ष', Arjun Khotkar यांचा मित्रपक्ष भाजपला थेट इशारा

आगामी जालना महानगरपालिका (Jalna Municipal Corporation) निवडणुकीच्या पार्श्वभूमीवर राजकीय वातावरण तापले आहे. शिवसेना (Shiv Sena) नेते आणि आमदार अर्जुन खोतकर (Arjun Khotkar) यांनी मित्रपक्ष असलेल्या भाजपवर (BJP) जोरदार टीका केली आहे. युतीसाठी भाजप उत्सुक नसल्याने खोतकरांनी आपली नाराजी उघडपणे व्यक्त केली. अर्जुन खोतकर म्हणाले, 'जो आमच्या समोर उभा राहील तो आमचा विरोधी पक्ष'. रावसाहेब दानवे (Raosaheb Danve) यांनी युतीसाठी होकार दिला होता, पण तरीही गोष्टी पुढे का जात नाहीत, असा सवाल खोतकरांनी केला. भाजपने एकला चलो रे ची भूमिका घेतल्यास आम्हीही कमी नाही, प्रसंगी जालना महानगरपालिकेत 'शंभर टक्के टांगा पलटी करू, घोडे फरार करू' असा थेट इशारा खोतकर यांनी दिला आहे. या संघर्षामुळे महायुतीमधील तणाव पुन्हा एकदा समोर आला आहे.