Amol Kolhe Vs Amol Mitkari :अमोल कोल्हे अजित पवार गटात सहभागी होणार? कोल्हेंचं शपथपत्र पाहिलं-मिटकरी

Amol Kolhe Vs Amol Mitkari :अमोल कोल्हे अजित पवार गटात सहभागी होणार? कोल्हेंचं शपथपत्र पाहिलं-मिटकरी
अकोला : शरद पवार गटात असलेले राष्ट्रवादीचे खासदार अमोल कोल्हे (Amol Kolhe) यांचं अजित पवार (Ajit Pawar) गटात सहभागी होण्याबाबतचे  शपथपत्र आपण स्वत: पाहिल्याचा दावा अजित पवार गटाचे प्रवक्ते आमदार अमोल मिटकरींनी (Amol Mitkari) केलाय. अमोल कोल्हेंना निवडून आणण्यासाठी स्वत: अजित दादांनी त्यांना उमेदवारी देऊन निवडून आणले होते. दिलीप वळसे पाटलांचा तो मतदार संघ होता. त्यांना निवडून आणण्यासाठी स्वत: अजितदादा आणि दिलीप वळसे पाटलांनी (Dilip walse patil)  प्रयत्न केलेत. त्यामुळे अजित दादांनी जो निर्णय घेतला असेल तो त्यांना मान्य असेल. शेवटी लोकशाही मध्ये कोणी काय निर्णय घ्यावा हा त्यांचा आधिकार आहे. मात्र आजही ते निर्विवाद मान्य करतात, अजित दादांमुळेचं ते शिरूर लोकसभा मतदार संघाचे खासदार राहिले आहे, असं देखील अमोल मिटकरी अकोला येथे बोलले.