ST Strike : राज्यभरातील 250 पैकी 220 ST डेपो बंद, महामंडळ कामगार संघटना कृती समितीची बैठक सुरू

राज्यभरातील एसटी कर्मचारी संघटांनी पुन्हा एकदा संपाची हाक दिल्यानंतर आता राज्यभरातील ठिक ठिकाणचे डेपो बंद होण्यास सुरुवात झाली आहे. सध्या 250 पैकी 220 डेपो बंद असल्याची माहिती एसटी महामंडळातील सूत्रांनी दिली आहे. सध्या केवळ मुक्कामी असणाऱ्या गाड्या पुन्हा एकदा आपल्या डेपोकडे पाठवण्यात येत आहेत त्यामूळे गाड्या मिळत नसल्यामुळे नागरिकांचे प्रचंड हाल होताना पाहिला मिळत आहेत. आज सकाळपासूनचं मुंबई सह उपनगरात एसटी बसस्थानकात प्रवाशांची गर्दी वाढताना पाहिला मिळत आहे.