Election Commission: वेळेवर निवडणुका घेणं ही आमची जबाबदारी- निवडणूक आयोग ABP Majha

देशात कोरोनाची तिसरी लाट वाढत असताना पाच राज्यातील विधानसभा निवडणुकांचं आज बिगुल वाजणार आहे. दुपारी साडेतीन वाजता निवडणूक आयोगाची पत्रकार परिषद होणार आहे. यावेळी उत्तरप्रदेश, गोवा, उत्तराखंड, पंजाब आणि मणिपूर या पाच राज्यातील विधानसभा निवडणुकांच्या तारखा जाहीर होणार आहेत. उत्तर प्रदेशात सात ते आठ टप्प्यात निवडणुका होण्याची शक्यता आहे. तर उत्तराखंडमध्ये दोन टप्प्यांमध्ये निवडणुका होण्याचे संकेत मिळतायत. तर पंजाबमध्ये २ ते ३ टप्पे तर गोवा-मणिपूरमध्ये एका टप्प्यात निवडणूक होणार असल्याची माहिती मिळतेय. कोरोनाच्या पार्श्वभूमीवर निवडणूक आयोग प्रचारसभांबाबत काय निर्णय घेणार याकडंही लक्ष लागलंय..