औरंगाबादमध्ये 30-30 घोटाळा! भरघोस व्याजाचं आमिष दाखवून फसवणूक, घोटाळ्याप्रकरणी पहिला गुन्हा दाखल

मराठवाड्यात खळबळ उडवून देणाऱ्या तीस-तीस घोटाळाप्रकरणी पहिला गुन्हा औरंगाबादमध्ये दाखल झालाय. यातील मुख्य आरोपी संतोष उर्फ सुनील राठोडविरोधात गुन्हा दाखल करण्यात आलाय. औरंगाबादसह मराठवाड्यात अनेक जिल्ह्यातील हजारो शेतकऱ्यांना गुंतवणूकीवर भरघोस व्याजाचे आमिष दाखवून संतोष राठोडने 30-30 योजनेत पैसे गुंतवण्यास सांगितलं. सुरुवातीला बँकांकडून मिळणाऱ्या व्याजाच्या चारपट अधिक नफा देऊन संतोष राठोडनं स्वतःची ओळख निर्माण केली.