नवी दिल्ली : ऊस उत्पादकांसाठी केंद्र सरकारकडून 8 हजार कोटींचं पॅकेज?

ऊस उत्पादकांना मोदी सरकार खूशखबर देण्याच्या तयारीत आहे. उद्या केंद्र सरकारकडून ऊस उत्पादकांसाठी 8 हजार कोटींचं विशेष पॅकेजची घोषणा होण्याची चिन्हं आहेत. उत्तर प्रदेशातल्या कैराना इथल्या पोटनिवडणुकीत भाजपचा पराभव झाला. या पराभवामागे ऊस उत्पादकांची नाराजी एक महत्वाचं कारण मानलं जातं आहे. सूत्रांच्या माहितीनुसार 30 लाख टन साखरेचा बफर स्टॉक करण्याच्या योजनेला मंजुरी मिळण्याची शक्यता आहे. यासाठी अंदाजे 1200 कोटी रुपयांचा खर्च अपेक्षित आहे.  बफर स्टॉकला मंजुरी मिळाल्यास उत्पादन आणि मागणी यामधलं अंतर कमी होणार आहे. त्याबरोबरच साखरेचा दरही निश्चित होण्यास मदत होणार आहे.