ब्रेकफास्ट न्यूज : पुणे : मराठा क्रांती मोर्चाच्या बंद दरम्यान चाकणमध्ये मोठं नुकसान

पुण्यातल्या चाकणमध्ये सोमवारी मराठा आंदोलनाच्या बंद दरम्यान जाळपोळीप्रकरणी 4 ते 5 हजार जणांवर गुन्हा दाखल करण्यात आला आहे. महत्वाचं म्हणजे चाकणमधली जाळपोळ ही स्थानिकांनी नव्हे तर बाहेरुन आलेल्या लोकांनी केल्याचा अंदाज पोलिसांनी वर्तवला आहे. असंख्य बसेस आणि खासगी वाहनांची काल तोडफोड आणि जाळपोळ करण्यात आली.

जमाव जमवणे, दंगल घडवणे आणि पोलिसांवर हल्ला केल्याचा ठपका आंदोलकांवर ठेवला आहे. काही नावं निष्पन्न झाली असून सीसीटीव्ही फुटेज आणि व्हायरल व्हिडीओच्या आधारे इतर नावं निष्पन्न करण्याचं काम पोलिसांनी सुरु केलं आहे. हिंसाचार करणाऱ्यांची ओळख स्थानिकांच्या मदतीने पटवून आज अटकसत्र सुरु करण्यात येईल असं पोलिसांनी सांगितलं.